S Ö Z A L T I

euro 2024 |

14 iyun - 14 iyul tarixlərində Almaniyada keçiriləcək futbol bayramı. Bir çoxları Fransa və İngiltərəni favorit hesab edir. Məncə həmişəki kimi İngilislər bacara bilməyəcək. Bəlkə də beynimə loser kimi kodlanıblar bilmirəm. Şəxsən mən turnirin qalibi kimi fransanı görürəm. Çox əjdaha şəkildə gəlirlər. Keçim qrup təxminlərimə:

Burda Macarıstan qrupun sürprizi olacaq. Almaniya maks 2 olacaq. İsveçrə və Şotlandiya isə ən yaxşı 3-cü yer uğrunda mübarizə aparacaq. Qrupun həlledici oyunu elə 1-ci turdakı Macarıstan - İsveçrə matçı olacaq.

Azarkeşi olduğum və son çempion İtaliyanın taleyindən qorxuram. Spaletti bambılısı dünən hücumçu qıtlığında Bolognada əla mövsüm keçirən Orsolinini komandadan çıxartdı. İtaliyada hamı spalettini topa tutur. Zaccagni, çolaq el shaarawy və demək olar ki, bu sezon oynamayan faggiolini saxlayıb, Orsolini və lazionun qapıçısı provedeli kənarda tutub. İspaniya və Xorvatiya, hətta Albaniya da başağrısı olacaq İtaliyaya. Türkiyə ilə 0-0 bitən matçda da ümid vermədilər. Amma bu İtaliyadı. Qrupda 3 heç-heçədən sonra dünya çempionu olmuş komandadı. Bilmək olmaz. Bu qrupa təxmin vermək çox çətindi. Realist olsam hal-hazırki vəziyyətə uyğun olaraq: 1 İspaniya 2 Xorvatiya 3 İtaliya 4 Albaniya.

İngiltərə burdan təmiz çıxar. 2ci yer üçün Danimarka və Serbiya əlləşər və Danimarka yeri qapar.

Ən asan qrupdu bu məncə. Fransa 1, Hollandiya 2, Avstriya 3, bərbad oyun oynayan Polşa 4.

Ən maraqlı qrup. Hamı Belçikanın asanlıqla 1-ci olacağını desə də mənim fikrimcə onların generasiyasının limiti çoxdan bitib. Rumıniya sürpriz edəcək. Ukraniya da ondan geri qalmayacaq. Slovakiya 4-cülüyə məhkumdu.

Gəldik dananın Türkiyə üçün quyruğunun qopduğu yerə. Türkiyə burdan necə çıxırsa çıxsın 8/1-dən o yana getməyəcək. Çünki ya Fransa ya İngiltərə ya da b qrupunda hansısa əjdaha ilə qarşılaşacaq. Ümumiyyətlə Türkiyə elə komandadı ki, oyununu heç cür tuta bilmirsən. Heç vaxt stabil oynamırlar. 0 da çəkə bilərlər. 90+ -da vurulan qollar ilə 1-ci də çıxa bilərlər. Portuqaliya 1-ci olacaq sözsüz. Gürcüstan Mdb-nin hal-hazırda ən yaxşı oynayanıdı. (Russia excluded). Çexiya burda tale həll edən komanda olacaq.
Könlümdən keçən 2008 və 2012-dəki İspaniya kimi İtaliyanın da ardıcıl qalib gəlməsidir. Amma çətin. Real vəziyyət Fransanın çempionluğunu göstərir. Ümid edirəm ki, 2004 və 2016 kimi sıxıcı yox, 2000 və 2008 kimi yaddaqalan turnir olar.

sosioloji marksizm | elm

analitik marksizm ekolu ilə tanınan, sosial siniflər klassifikasiyasında yeni nəzəri paradiqmaları ilə həm sosiologiya sahəsində həm də bütöv olaraq marksizm sahəsində yeni cığırlar açan erik olin wrightın Viskonsin-Medison Universitetində verdiyi dərslərdən biri.

dərsin syllabusu 87 səhifədir -*. bu yay syllabusda paylaşdığı əsas oxumaları bitirməyi planlayıram.

syllabusdakı chapterlər bu şəkildədir:
1) giriş
2) sinfi struktur
3) sinfi təşəkkül
4) dövlət və siyasət nəzəriyyəsi
5) ideologiya və şüur
6) tarix nəzəriyyəsi
7) sosializm və xilas/azadlıq

və üstəlik əsas oxumaların yanında- əgər vaxtınız varsa- əlavə oxuma materialları da var. möhtəşəm syllabusdur.

syllabusun linkini paylaşıram. məncə göz atın və bu sahə haqqında nələrsə oxumaq istəyirsinizsə yararlanın.

link: https://drive.google.com/file/d/1Q64aPnfb1IlezJXjzcwuXMh62U8Silft/view?usp=sharinghttps://drive.google.com/file/d/1Q64aPnfb1IlezJXjzcwuXMh62U8Silft/view?usp=sharing

ufc | idman

Açılışı ultimate fighting championship olan mma təşkilatı. İnsanların niyə bu qədər az maraqlandığına təəsüflənirəm düzü, xususilə də həmcinslərim arasında. Nəticə də, dünyanın ən güclü ya da badass insanının kimi olduğu sualı maraqlıdır və bunun cavabının öyrəniləcəyi ən prestijli təşkilat ufcdir. One championship və bellator kimi təşkilatlar da var, lakin ordakı əksər divizyadakı çempionlar heç ufcnin top 10 una girə bilməz müvafiq çəki divizyasında. Təbii olaraq anlayıram bəzi insanlar şiddət və s. kimi görüntüləri sevmir, həmin insanların baxmamağı normal haldı. Ancaq ölkədə xususilə animeci kütlənin, heç ufc nin nə olduğunu eşitməməyi maraqlanmamağı qəribə gəlir. one punch man, naruto və oxşarı animelərə baxmaqdansa çox daha real olanına baxa bilərsiz. Və bu real xarakterlərdən çox daha yaxşı inspiration ala bilərsiniz. Misal verim döyüşçülərdən,
Alex pereira gec yaşda kick-box a başlıyır. Ən yüksək səviyyə olan glorydə 2 diviziyada çempion olur. 2 dəfə məğlub elədiyi israel adesanya tərəfindən hər hansı bir interviyuda, "mən əfsanə olanda, hər hansısa bir pubda arxamdan boş boş danışacaq , o heç kimdi" tərzi təhqir olunmadan sonra özünə tamam yad olan bir idmana başlıyır. Hansı ki grappling dediyimiz şey 30 dan sonra elə rahat öyrənilən bir şey deyil. Öyrənsən belə heç vaxt vasatın üstü ola bilməyəcəksən, bunun özü də böyük drawback di istenilen döyüşçü üçün. Pereira ufc debutunu edir, və hətta bambılı bambılı danışan adesanyanı knockout edir. Sonra bir yuxarı çəkidə də çempion olur və hal-hazırda planetdə ayaqüstü döyüşdə ən çox qorxulan döyüşçüdür desək düz olar. Və bu insanın bütün bu uğuru, brazilyanın kasıb favellalarından birində, yoxsullaqdan çıxaraq elədiyi də
ayrı bir heyrətamiz haldı.

Çox maraqlı personaj var yəni ufcdə, misal günlərcə qaranlıqda ac sussuz, balaca otaqda günlərcə duran jiri prochazka. Bu xarakter elə bil sırf mistik anime xarakteri sevən insanlar üçün dizayn olunub. Günlərcə meşədə tək qalıb, məşq edir, just insane dude overall. Hərtərəfli döyüşə bilir, ancaq əsasən ayaqüstü döyüşməyə üstünlük verir, və sıfır guard ilə, full hücüm. Alex pereira kimi dünyanın ən təhlükəli kickbox çusunun belə üstünə şığıyır, əli qolu qarınında, ayaqları yediyi low kick lərdən təndimiş, qızarmış(döyüşdən sonra hətta morarmış olacaq) vəziyyətdə.
Son olaraq döyüş deyim maraqlananlar baxsın.
https://youtu.be/dHKRVKnChFI?si=SPdvsxA140sdhjxV

Jiri ilə glover teixeirü nın döyüşü həqiqətən yüksək gərginlikli bir kəmər döyüşü idi, gərginlik dedim yəni daim bir actionın olduğu maraqlı bir döyüş, sıxıcı şəkildə bir roundda 10, 15 jab in atıldığı bir döyüş yox. Düşünürəm ki, bu döyüşə önyarqısız baxan insan mma fanatı ola bilər.
Səhv eləmirəmsə gloverin 8 ci dərəcə bjj qara kəməri var və bu onu idmandakı ən yüksək grappling çi deməyimizə bəs edər. Ancaq mma təkcə grappling deyil.

https://youtu.be/7CAkyfHMhhA?si=dgNlY8GcxY5sm7cn
Rober whittaker , yoel romero

Müasir dövr middleweightdə(83kg) ən yaxşılardan olan cavan Whittakerın 41 yaşlı kafdar romero ilə olan 2- ci döyüşü. Romeroya kafdar dediyimə baxmıyın the dudes is insanely ripped and explosive. Çox gec başladığı idmana səhv eləmirəmsə 35,(köhnə olimpik gürəşçidir) əfsanə olaraq ayrılmışdı ufcdən. Qeyri mümkün bir nailiyyətdi həqiqətən 35 indən sonra təzə idmana başlamaq oyana, 35 indən sonra çempion ola bilmək ya da oxşarı bir nailiyyət göstərmək qeyri mümkün bir haldı. Çünki istər istəməz qocalırsan, əgər heavyweight ya da light heavyweight deyilsənsə. Romero onsuz adi bir insan deyil, hamı kuba da bədəninə qəribə experimentlər olunduğu bilir, ancaq yenə də idmanın özündə doping təşkilatları nəzarət edir, keçə bilibsə fair competition.

https://youtu.be/h9oj6HEdZSI?si=_0lutKRzOWW03d_v
Son olaraq aşağı çəkilərdən daha texniki olan, volkanovski, islam makhachev döyüşü. Volkanovski bu döyüş zamanı məğlubiyyətsiz demək olar, çempion idi 66 kiloda, islam isə xəbibin atasının favorit tələbəsi idi və çempionluğu oliveirdan(xəbibi udacağı deyilirdi, çox yaxşı grapplingi olduğuna görə) almışdı. Çoxlarına görə xəbibdən daha yaxşı olan islam, xususilə ayaqüstü döyüşdə, əksər döyüşlərini 1 dəqiqənin altında bitirən islam üçün çıxa biləcək ən texniki və inatçı rəqiblərdən idi alexander, həmçinin bütün çəki divizyalarını əhatə edən reytinqdə də, pound for pound rankingdə də 1 ci sırada idi. Bu döyüş digərləri qədər, süper maraqlı olmaya bilər, ancaq məğlubedilməz dağıstan grappling məktəbinin qarşısına çıxan ən güclü oponentin döyüşə necə bir əhəmiyyət qazandırdığnı qavraya bilsəz, yüksək diqqətlə baxacağıvıza şübhəm yoxdur. Hərhalda texniki skill olaraq bunun üstünə çıxa biləcək başqa qarşıdurma yoxdur.

Sona da ufc üçün xüsusi tarixi əhəmiyyəti olan bir neçə maraqlı döyüş qoyacam
https://youtu.be/en4hR34Bl8w?si=Xm8rBGOoan4LTDtz
https://youtu.be/l8s2fsfIpUA?si=AFqEA-1VW_NkK6e8
https://youtu.be/JuBBIJ7adjM?si=l2RWjq2ktf83kZKQ

obyekt yönümlü proqramlaşdırma | proqramlama

(OYP) - verilənlərin obyektlər üzərindən formasını dəyişməsi üzərinə qurulmuş proqramlaşdırma methodu. yazılmış funksiyaların təkrər istifadəsinə və daha kompleks məntiqə kömək edir.

// birinci class-da yaradılan obyekt və methodun digərində çağırılıb istifadə edilməsi:
class a {
string name;
public void method_a();
}
// ikinci class-da implementasiyası
class b extends class a {
name = "jhon.doe'':
method("do something");
}

bəzi methodolojiyaları:
enkapsulyasiya (encapsulation),
varislik (inheritance),
polimorfizm (polymorphism),
abstraksiyası (abstraction),
obyektlər arasında informasiya axınının təşkili (sending messages / message sending),
təkrar istifadə oluna bilərlik ( reusability).

java - c - c++ - Python - php
bu linkdə azərbaycanca ətraflı və bəsit izahı da var

perfume genius | musiqi

əsl adı Michael Alden Hadreas olan əsasən indie pop, indie rock və art pop tərzlərində mahnılar bəstəyən amerikalı musiqiçidir. Özünə seçmiş olduğu bu ləqəb isə Perfume The Story of a Murderer filmindən irəli gəlir. 2020-ci ilin diqqət çəkən albumlarından biri Set My Heart on Fire Immediately olsa da onun no shape albumunu daha çox bəyənirəm.

Tanımaq istəyənlər üçün:
(baxma: jason)
(baxma: otherside)
(baxma: die 4 you)
(baxma: slip away)
(bax: queen)
(baxma: without you)

euro 2024 |

sosioloji marksizm | elm

ufc | idman

obyekt yönümlü proqramlaşdırma | proqramlama

javascript | proqramlama

28 may 1997 b.dortmund - yuventus matçı | idman

aqnostisizm ★ wiki

Yunancadan "agnostos" "bilinməyən, bilinə bilməyən" mənasına gəlir. Bu kəliməni Thomas Huxley [ haksley ] irəli sürüb.
(işarəsi)
Ona düşüncəsinə əsasən Tanrı və ya digər metafiziki varlıqlar (ruh, cin və s ) haqqında müsbət və ya mənfi bir şey deyilə bilməz.
Heç bir etiraz edilmir və sadə dildə bunun(Tanrının varlığının) bilinə bilməyəcəyini deyir.
Amma bu kəlimə (agnostos) ortaya çıxmazdan qabaq agnostik olan filosoflar var idi. Məs: antik əsrdə protogoras..
Antik əsrdə yaşayan deistlər də və ya klisə papalarının sözlərindən də aqnostizmə meyilli olduqlarını anlaya bilərik.

"Necə olduğunu bilmədiyimiz Tanrı haqqında edə biləcəyimiz tək şey susmaqla hörmətimizi göstərməkdir."

"Tanrını ucaltmaq üçün gördüyümüz bütün işlər əslində onu sadəcə alçaldar." (Müxtəlif inanclar və ayinlərə əsasən)

Tanrı bilinməz,çünki dil, məntiq bu kimi dində sual yaradan məsələləri tam açıqlaya bilməz və tanrının məqsədini ya da Tanrının olub-olmadığını əminliklə anlaya bilməz. Aqnostisizm bu ideologiyanın tərəfdarıdır.
Hər kəsin bir inancı vardır. Ateistlik də bir inancdır. Bu dini bir inanc deyildir.
Bu sadəcə ideoloji bir inancdır. Elmin açılış mənası həqiqətə yönəlik inancdır.
Bu platonun dövründən belədir. Yəni hər hansı məlumata sahib olmaq elə o məlumata inanmaqla eynidir.
Tanrıya inanışla əlaqədar müsbət və ya mənfi inanclar var. Bu halda aqnostisizm neytraldır.
https://imgur.com/a/vHzXpQS
Əgər Müsəlmanlığı ağ, ateizmi qara olaraq fikirləşsək, aqnostisizm boz rəngi təmsil edər. Yəni xüsusi bir cığırı yoxdur.
Bəzən insanlar aqnostizmə meyil etdikdə əksər məsələyə şübhə ilə yanaşırlar.
"Görəsən, o anamdır?" ,"Mən doğurdan da yaşayıram?" Kimi şübhələrə tutulmaq yersizdir.
Belə ki, gördüyümüz hər şey reallığı əks etdirir. Bizdə şübhə yaradan görmədiklərimizdir. Necə olsa metafizika deyirik. Yəni fizikanın ötəsi bir şey..Hər hansı təcrübə aparmaq, nəticəyə gəlmək mümkün deyil.

Tarix boyu Tanrıya inanmaq 3 səbəbdən baş verib:

1) Ağılcılıq: Biz heyvanlardan üstünük, bizi də kimsə yaradıb. Amma bu Tanrının yaradıcı olduğu mənasına gəlmir.Bu məntiq sizi spinoza kimi kainat mərkəzli bir Tanrıya apara bilər.

2) Təcrübə əsaslı: Kainatı öyrənərsən və deyərsən ki, xüsusi bir nizama sahibdir və bunu nizamın bir yaradıcısı olmalıdır. Ancaq kainatda hər şey nizamlı deyil. Genlərin mutasiyası nəticəsində anormal/patalogiyalı varlıqlar(heyvan/insan) yaranır. Bəziləri çox yaşaya bilmirlər.

3)Xaricdən: Bir vahi ilə, kənardan bir lütf ilə Tanrıya inanmaq. Başına bu kimi hadisə gələn istər şizofren olsun ,istər dəli. Onu görüb və ya eşidibsə bu reallıqdır. Ancaq bu onu öz şəxsi həyatında yaşayır və bizi inandıra bilməz. Bəlkə o adamın səmimiyyətinə, dürüstlüyünə görə inanaram. Amma bu yenə bilmək və ya güvənmək deyil.
Nəticə etibarı ilə Tanrı yenə sual altındadır.

Aqnostisizm Kiməsə inancına görə yarğılamaz, "o kiməsə inancına görə cahildir/ağıllıdır" deməz.
Müxtəlif dinlər var və müsəlmanlıqda da insanların günah və səvab hesabına cəzalandırılacağı və ya mükafatlandırılacağı, əvvəlcədən bilinən bir qismətlə getdiyi, Tanrının onlardan nələrsə gözlədiyindən bəhs olunur.
Aqnostisizm bunları sadəcə insanın həyatı daha rahat anlasın deyə sadələşdirilmiş rəvayət olduğunu deyir.
Əksər molladan soruşulsa əslində Adəm və Həvva bir bənzətmədir, çünki bu reallıqla uyğun gələsi bir şey deyil. Lut Kavmi bir bənzətmədir, Tanrı öz yaratdığını həlak etməz ya da şeytan bənzətmədir, o bizim nəfsimizdir, iradəmizdir.Cənnət və cəhənnəm bənzətmədir, çünki ruhani bir yerdə dabanından yanmaq ya da topuğundan xəncər keçirmək mümkün deyil. O bənzətmə bu bənzətmə olduqda ortalıqda din qalmadığını iddia edir və bunu çox irəliyə götürsək peyğəmbər də bənzətmə, Tanrı da bənzətmədir-ə gəlib çıxacaq. Din bu barədə sərhədi bilməlidir. Belə baxsaq Quran da ateizmi təbliğ edir. Əgər Tanrının heç nədən yaranmadığını nəzərə alsaq, onda Tanrı da ateistdir.
Bir insan Aqnostik olduqda da nəyəsə qarşı inancı ola bilər.
"Tanrı ola bilər" deyib yaşayanlar var. Buna zəif aqnostluq ya da teistik aqnostluq deyilir. Bir başqa halda "Tanrı yoxdur." Deyib şübhədə qalan Ateistik aqnostluq da var. Hər iki halda Tanrının mövcudluğu haqqında dəqiq bir şey deyə bilmirlər.
Kimsə deyə bilər ki, "Tanrı ya vardır ya da yoxdur. Birinə inanmalısan.". Amma məsələ belə deyil. Kimisi var , Tanrının olduğuna inanir və olmamış kimi yaşayır. Kimisi isə Tanrı yoxmuşcasına yaşayır, ancaq dinin gətirdiyi məcburiyyətləri edir.
Kimsə dindən çıxanda böyük ehtimal başqa bir dini bəyəndiyi üçün deyil də, öz cəmiyyətinin ona yeritdiyi dini dəyərlərə qarşı çıxmasından irəli gəlir.O özünü o dinə uyğun görməz.Buna ibnül-vakt deyirlər. Yəni yaşadığı zəmanənin uşağı olmaq və o dəyərlərə tabe olmaq.
Keçmişdə başqa Ateizm var idi, sonra dawkins-in gəlməyi ilə militan ateizmi ortaya çıxdı. Yəni bir ateist digər ateistlə eyni fikirdə olmadığı kimi bir agnostik də digərləri ilə eyni fikirdə deyil.
Quran-i Kərimin o dövrdə (7-ci əsr) yazıla bilməmə imkanını demək doğru olmaz, çünki 5000 il əvvəldən Misir piramidlərinin də necə yaranması sual altındadır.
Quran-i Kərimi Peyğəmbərlər gətirib onların həyatı isə hər mənbədə fərqlidir. Yəni peyğəmbərin özü sual altındaykən necə ola bilər ki, yazdırdığı kitaba inanaq deyə düşünürlər.
Aqnostlar axirət haqqında Tanrı varsa cənnət və cəhənnəm ayırımının olmayacağını düşünərlər. Onlara görə pis bir insanın sonsuz əzaba tutulması ya da yaxşı bir insanın sonsuz mükafata layiq olması mənasızdır.
Bu eynən yolda səni dişləmiş bir iti tutub bir otaqda saxlayıb illərlə işgəncə etməyə bənzəyir. Axı biz bizə pislik edənə bağışlamağı bilirik. Kin və intiqamın pis bir şey olduğunu anlayır və necə olur ki, buna qarşı gələn o "mərhəmətli" Tanrıya itaət etməliyik deyə düşünərlər.
Deistləri dindən soyudan elə dindarların özü və tətbiq etdikləri qatı sistem dinsizlərin etdiyi təsirə görə qatbaqat çoxdur.
Yazılmış kitablar insanların yaxşılığına doğru təşviq etsə də yalanlarla beyninin yuyulduğuna inanır. İnsanı qorxudur ya da huri və sonsuz yeyəcəklə mükafatlandıracağına inandırtmağa çalışdığını düşünür.
Günümüz insanları artıq biri öldükdə çox da təəssüflənmir. "Necə olsa yanında huriləri var" ya da "o biri dünyaya gedib görəcəm" deyir. Aqnostisizm bu və bu kimi düşüncələrə qarşı çıxır.
Ümumiyyətlə, qədər(qismət) nədir?
Qədər müsəlmanlara görə əvvəlcədən yazılıb sadəcə qəza ilə qədərin yolunu dəyişmək olar.
Aqnostiklər isə belə bir halda azad iradənin olmadığını deyərlər. Əgər Tanrı varsa biz bitmiş bir filmi oynayırıq deyirlər.
Bir rəvayətə görə: "Bağdatda Bir gənc bazarda gəzirmiş. Yeriyərkən təsadüfən qolu kiməsə dəyir, başını qaldıranda görür ki, bu əzraildir. Əzrail ona tərs-tərs baxar. Gənc Onun elə oradaca onu öldürəcəyini sanır və qədərə əks gəlib bir yol ilə qaçmağı düşünür. Peyğəmbərə bir küləklə özünün Hindistana apartmağını deyib və əlavə edib ki, Hindistana aparsanız o mənim sürətimə çata bilməz . Peyğəmbər bunu qəbul edir və küləklə onu yollayır, gənc artıq Hindistandadır.
Əzrailə soruşublar ki, niyə ona tərs-tərs baxdın. Əzrail də deyib ki, mən onu Hindistanda öldürəcəkdim, o isə Bağdatdadır. " demişdir. Yəni adam yenə də öz qədəri ilə getmişdir.
Aqnostisizmə görə həyatın mənası nədir?
Əgər siz bir dinə aidsinizsə, o din sizə sanki bir paket təqdim edər. "Sən haradan gəlibsən,hara gedəcəksən, bu hərəkətləri edib bu hərəkətləri etməyəcəksən,mənə itaət edəcəksən" deyə-deyə sizə bir cığır çəkər.
Amma dindən ayrılmış biri özünü boşluqda hiss edər. Bir dinə sahib olan sonrakı həyatının olduğunu anlayar, sadəcə bu həyatın gələcək üçün bir hazırlıq mərhələsi olduğunu düşünər və bir məqsədin vardır, ancaq ateistlər və Aqnostiklərə (demək olar ki) görə 1 həyat vardır. Dindən çıxmaq cəmiyyətdən , mədəniyyətinizdən,qohumlarının inandığından , əvvəlki həyat tərzinizdən və kimliyinizdən uzaqlaşmaq deməkdir.Çünki təkcə Tanrı inancını deyil, eyni zamanda onun gətirdiyi həyat tərzini də itirirsiniz. (Aqnostik olduqda)
Sizə verilən bir həyatı mənasızca yaşamayın. Tanrı yoxdursa niyə yaxşılıq edirəm, niyə yaşayıram şəklində düşünməyin.
Bu eynən bunun kimidir: əgər tualetə gedəcəyiksə niyə yemək yeyirik, axı biz o yeməyin dadından zövq almağa, qarnımızı doyurmağa çalışırıq.
Görmədiyin yerləri gör, oxumadığın kitabı oxu, özünü inkişaf etdir, yəni yaşamağına məna qat deyə düşünərlər.
Əgər həyat sonsuz olsaydı, yəni həyata o qədər bağlı olsan (yaşamağa) onda həyatda məna tapmaq və tapmamaq eyni olacaqdı. Tapmazsan,Çünki nəyin doğru olduğunu düzgün analiz edə bilməzsən. Tapsan belə Daha çoxunu istəyərsən, pul ya da güc hərisliyi kimi.
Aqnostiklər yaşadığı həyatın mükəmməl olduğunu və ən yaxşı şəkildə yaşamalı olduğunu düşünərlər.
Mənbə: Dəqiq olaraq yoxdur. Aqnost ikən öyrəndiyim məlumatlardan..

tissot prx | texnologiya